കൊച്ചി: ഇടപ്പള്ളി പോണേക്കരയിൽ പോലീസ് നടത്തിയ പരിശോധനയിൽ എട്ട് കിലോ കഞ്ചാവുമായി നാല് പേർ പിടിയിലായി. ഇടുക്കി സ്വദേശികളായ അപ്പു ഓമനക്കുട്ടൻ, അനു, ഒഡീഷ സ്വദേശികളായ ജന്നാഥ് നായിക്, ജിതിൻ നായിക് എന്നിവരാണ് അറസ്റ്റിലായത്.
പിടിച്ചെടുത്ത കഞ്ചാവിന് വിപണിയിൽ ഏകദേശം നാല് ലക്ഷം രൂപ വില വരും. എട്ട് പാക്കറ്റുകളിലായാണ് കഞ്ചാവ് സൂക്ഷിച്ചിരുന്നത്. ഒഡീഷയിൽ നിന്നും ട്രെയിൻ മാർഗ്ഗമാണ് ഇത് കൊച്ചിയിൽ എത്തിച്ചതെന്ന് പോലീസ് അറിയിച്ചു. പ്രതികളെ നിലവിൽ വിശദമായി ചോദ്യം ചെയ്തു വരികയാണ്.
