കൊച്ചി: കണ്ടെയ്നർ റോഡിൽ മുളവുകാട് നോർത്ത് പ്രദേശത്ത് ബൈക്കിന് പിന്നാലെ കാറിടിച്ചുണ്ടായ അപകടത്തിൽ ബൈക്ക് യാത്രക്കാരൻ മരിച്ചു. ഇരിങ്ങാലക്കുട ഇൻഡസ്ബാങ്ക് ശാഖാ മാനേജറായ ഞാറക്കൽ മെജസ്റ്റിക് തിയേറ്ററിന് സമീപം പെരുമനക്കൽവീട്ടിൽ സത്യജിത്ത് വിജയൻ (30) ആണ് മരിച്ചത്.
ഇടപ്പള്ളി കളിക്കളം ജോബോബോണിറ്റോ ക്ലബ്ബിന്റെ കളിക്കാരനായിരുന്ന സത്യജിത്ത്, കളമശേരി എച്ച്.എം.ടി താവളത്തിൽ നടക്കുന്ന ഫുട്ബോൾ മത്സരത്തിൽ പങ്കെടുക്കാൻ പോകുന്നതിനിടെ ഞായറാഴ്ച വൈകിട്ടാണ് അപകടം സംഭവിച്ചത്. റോഡിലേക്ക് വീണ് തലയ്ക്ക് ഗുരുതരമായി പരിക്കേറ്റ സത്യജിത്തിനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
ഡി.വൈ.എഫ്.ഐ ഞാറക്കൽ യൂണിറ്റ് സെക്രട്ടറിയായിരുന്ന സത്യജിത്ത് വിജയൻ-സുശീല ദമ്പതികളുടെ മകനാണ്. ഭാര്യ സെലിൻ. സംഭവത്തിൽ മുളവുകാട് പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.
